深夜時分,運房局局長炳炳喺街度同市民四目交視,市民拔足狂奔,炳炳擔心有事發生,就追上去睇吓發生乜嘢事。

市民︰鬼大爺,求你放我一條生路喇。

炳炳︰我係人,點會係鬼?

市民︰港鐵係咁加價你都唔理,你哋仲唔係「吸血鬼」?

炳炳︰先生,我唔係吸血鬼。

市民︰你唔係吸血鬼,就肯定係「衰鬼」。

炳炳︰此話何解?

市民︰仲要問?港鐵成日出事,仲唔係「衰軌」?

炳炳︰……其實都係加得一個幾毫,本是同根生,有咩好怕?

市民︰係喎,大家都係鬼,有乜嘢好怕,就等我呢個「窮鬼」同你死過!

炳炳︰@#$$%%^^

第一手消息請下載on.cc東網iPhone/iPad/Android/Windows Phone Apps