朋友阿布畢業後投身教育界差不多五年，去年毅然轉行做飛機師，嘩，教書先生衝上雲霄，帥死了。所以我馬上抓他來做個訪問。

「老土啲講，我教書係想生命影響生命。」阿布娓娓道來轉行經過：「不過初初教私校，每年都驚下一年冇得續約，所以我好快咁讀咗個Master；後來搵到CM位，我再讀PGDE。但就算點進修、表現幾好，只要教育局下年cut錢，學校就無得同你續約。

而且老師大部分時間要做行政嘢，剩低就係備課教書改簿，根本冇時間同學生建立關係，唔能夠、亦冇空間去生命影響生命，同期有一半轉咗工添。我都做到心淡，期間對航空業產生興趣，咪決定轉行囉。雖然我有猶豫，話晒付出咗咁多，又驚做機師會難過轉做其他工作，好彩依家我總算做得幾好。」阿布苦笑。

與最近一個窮小子考上機師的故事相比，我覺得阿布的故事勵志得多，因為他有離開comfort zone的勇氣，展開他的第二人生。可悲的是，阿布帶着失望而離開教育界。一想到每年不少年輕教師因為對教育界失望而黯然退場，怎能不心傷？

第一手消息請下載on.cc東網iPhone/iPad/Android/Windows Phone Apps