元朗：雜物阻街惹蚊 食署唔理
元朗鳳攸東街行人過路處有雜物堆放存放數月，居民蔡太指，「舊年年尾堆垃圾同車仔已經喺度，到依家都幾個月啦，都冇人理過！」蔡太不滿食環署多月未有處理。
路邊雜物阻礙行人，影響衞生。
食物環境衞生署表示，接獲轉介後隨即派員巡查，發現鳳攸東街一段行人路有雜物。該署職員已發出移除障礙物通知書，要求物主在指定時限內移走有關物品。職員覆查時仍發現有雜物，遂安排潔淨服務承辦商移走有關物品及徹底清理上址一帶的公眾地方。
「放咗差唔多三個月終於清咗啦，其實啲清潔工每日都會見到呢堆垃圾，只要佢哋見到即時處理就唔會有衞生問題！」蔡太不滿食環署需接獲投訴才清理行人路堆放的雜物，認為相關人員需主動清潔，確保環境衞生。
