中華廠商聯合會常務會董Simon黃家和早前偕女兒去法國過新年,咁啱得咁蹺,同永遠名譽會長黃友嘉搭埋同一班機往返,真係世界真細小兼有緣。Simon話唔知道對方會去法國,喺出發去到機場後先巧遇,當然不忘喺機場影番張合照啦!

黃家和(右)帶愛女暢遊法國私家酒莊,搭飛機往返巧遇黃友嘉。(受訪者提供)

黃友嘉(受訪者提供)

家和探酒莊 友嘉自駕遊

Simon話今次係帶女兒去佢兩年前購入、位於法國貝吉拉(Bergerac)嘅酒莊參觀同遊玩,又喺酒莊內一棵約三百年樹齡嘅巨大紅木前留影。由於購入酒莊時間尚短,佢話每次唔同季節去嘅時候,見到唔同景色,依然覺得充滿驚喜。

至於黃友嘉就同家人一齊去法國自駕遊,佢見以往通常都係去巴黎購物居多,所以今次就揀咗去多幾個城市,包括里昂、尼斯同馬賽等地,參觀唔同景點。由於各景點相距甚遠,佢七日駕駛超過三千公里,路費都花咗二、三千元,相比之下,德國同西班牙自駕遊比較抵喎。

第一手消息請下載on.cc東網iPhone/iPad/Android/Windows Phone Apps