政壇：楊哲安新春北上訪貧戶

話說早幾日喺中環歷山大廈見到教育局前政治助理楊哲安，佢同一位外籍人士飲完下午茶後分道揚鑣。問近期忙啲乜，佢就話農曆新年假期同父母、太太張新悅加幾個小朋友一家七口返咗內地自駕遊，途中仲特登抽咗三日去廣州英德市嘅東北面探訪貧窮家庭添！

楊哲安（左面藍衫）同爸爸楊孝華（右二）、媽媽（左一）等，一齊去廣州探訪貧窮家庭。（受訪者提供）

張新悅拖一個抱一個，體驗貧窮地方生活情況。（受訪者提供）

話說楊哲安爸爸楊孝華有捐錢畀當地嘅貧困家庭同學校，為咗避免手續繁複兼更清楚善款去向，佢爸爸通常都係直接捐畀受助家庭或單位。楊哲安認為，呢個係一個好機會，帶小朋友了解其他貧窮地方嘅生活情況同累積多啲唔同嘅生活體驗，又可以同當地村民、校長交流吓。