城中鏡：楊婉儀送學生赴美到太空中心體驗

近年投身教育事業嘅楊婉儀（Winnie）又有新搞作，尋日佢同老公王帥勳一齊出席創辦嘅太空訓練營啟動禮，仲打算暑假送學生往美國休斯敦NASA太空中心上堂，到時，佢一對分別八歲同九歲嘅仔女都會一齊前往，尋日講起個計劃，Winnie都顯得好高興。

楊婉儀與丈夫及子女出席訓練營啟動禮。

Winnie話：「好興奮，到時啲學生同太空人會喺同一個地方上堂，太空人上完堂就輪到小朋友上。」佢嘅囝囝依家八歲，個女都係九歲，咁早就送去上太空堂？佢話：「個仔細細個已經成日話要去太空，同埋畫外星人。」

另外，問到為何老公名字將「瑞」改為「帥」？她笑說：「唔知呀，係佢uncle幫佢改，佢屋企去到某階段就會改名，係家族傳統。」佢仲爆老公嘅秘密，話佢覺得自己好襯個名喎。