人稱「肥老闆」嘅立法會金融服務界議員張華峰,身形巨大係佢嘅個人標誌,早排佢上咗北京參加兩會,日前,兩會結束後,佢就趁空檔留喺北京四圍遊玩。

肥老闆伸晒脷兼合埋雙眼,模仿雕塑嘅神情。(受訪者提供)

其中一日,佢就走咗去北京「798」藝術區,藝術區內專門展出各藝術家嘅珍藏同展品,肥老闆睇得好開心,最大收穫係見到有個雕塑同自己好似樣,佢就玩埋一份,伸晒脷兼合埋雙眼模仿雕塑神情,仲專登影相留念添。估唔到肥老闆扮起嘢上嚟,有一種難以形容嘅喜劇感。

不過,肥老闆就話,自己當時被藝術品深深吸引,所以先用呢種做法「投身」藝術喎!

第一手消息請下載on.cc東網iPhone/iPad/Android/Windows Phone Apps