政壇：李漢奸乞到加國干預港政改僵局添煩添亂

外號「李漢奸」嘅民主黨創黨主席李柱銘，上星期去咗加拿大國會外交事務及國際發展委員會，出席聽證會「唱衰」香港民主，擺到明乞求加國干預香港政制。而加國國會的相關委員會尋日決定，會正式探討香港狀況，並向國會提交報告。李漢奸咁樣搞一搞，勢必為依家已膠着嘅政改僵局再添煩添亂！

中國駐加大使羅照輝之前講到明，要求加國有關委員會取消聽證會，因為香港政治發展屬於中國內政，任何外國政府、機構或個人都不宜干涉，以免影響中加關係。不過，加國就話之你，照樣邀請李漢奸去發噏風。

委員會尋日仲決定，未來會召開兩次會議，傳召證人作供，之後向下議院匯報。委員會成員之一、反對黨國會議員杜華，就喺社交網站話，好高興委員會通過佢提出嘅動議，正式研究香港問題。