政壇：蓋茨夫婦堅定拒「蘋果」
啱啱推出嘅蘋果新一代劃時代產品Apple Watch下個月10日就預售，24日開售，唔少人都心思思想買番隻，但一早講過對Apple Watch無興趣嘅全球首富、微軟創辦人蓋茨就堅持「不會購買。」蓋茨妻子梅琳達更加強調，佢哋家族唔會買蘋果公司嘅任何產品，佢笑言：「我們只用微軟嘅產品，這毋庸置疑！」
Apple Watch快將新鮮熱辣上市，但微軟創辦人蓋茨就話不會購買。
幾年前梅琳達接受《紐約時報》訪問時，都強調過蓋茨家族嘅態度是堅定「反蘋果」。唔通真係同行如敵國？但有外國記者曾經偷拍到蓋茨女兒手持疑似iPhone嘅照片喎。
講開新產品，微軟下周一（16日）將會喺亞特蘭大舉行新產品大會，到時行政總裁納德拉會展示微軟嘅創新產品，又睇吓有乜驚喜！
