「阿虫，新財政年度就嚟開始，有乜好計幫壹全霉吊命？」無錯，淫賤黎對壹全霉嘅要求，已經從止蝕跌到吊命，雖然卑微得可以，但係本虫真係無能為力，就好似要粒魚蛋彈上太空咁，唔係話憑努力就做得到o架，何況壹全霉上上下下都想公司速速摺埋攞遣散，邊個有心同你搏？嘥x氣啦。

「虫，你依家無計仔我唔逼你，總之我畀個硬指示你，《爛果》銷量一定要保7！」保7？保乜7呀？《爛果》銷量一日比一日跌已經係天注定，你淫賤黎講錢無錢，講人才無人才，淨係識勾結外力反中亂港搞三搞四，想提升銷量？妄想！

之不過，本虫對住蠢過豬嘅淫賤黎，梗係唔會即時反駁啦，仲大派定心丸咁話：「好，腦細，我人頭擔保，《爛果》銷量一定保7，放心！」就係咁，淫賤黎好放心咁去咗，而我亦都信守承諾，柯打班細嘅夾錢日日買7份《爛果》，墊煲底又好，當飯食又好，佢哋破財我擋災，何樂而不為呢。

第一手消息請下載on.cc東網iPhone/iPad/Android/Windows Phone Apps