有市民喺醫院輪候睇病時唉聲嘆氣，畀經過嘅食衞局局長Dr.高見到，Dr.高上前問吓發生乜事，反被市民責罵。

市民：你有壓力！我有壓力！未解決！未解決呀！

Dr.高：先生，你大大聲話有壓力，有咩可以幫到你呢？

市民：你自身難保，點幫人呀？

Dr.高：……我冇咩嘢要煩，話我知，等我幫你喇！

市民：仲話冇？公院醫生不足，明年仲差400人，你哋搞都冇搞過，人手短缺喎！排咁耐都冇醫生睇！

Dr.高：哦……小事一樁，將退休年齡延遲，已經搞掂一批啦！

市民：你肯人哋肯唔肯呀？講到咁易！

Dr.高：唔肯都無辦法，辛苦嘅係你哋，我病都係睇私家o架啦！

市民：@#@^&**@@!!!!!/

第一手消息請下載on.cc東網iPhone/iPad/Android/Windows Phone Apps