政壇：搞搞政：王于漸引經據典 憂佔中醞釀「法西斯」

否定當權者及理性秩序

佢日前為電台節目《香港家書》撰文時話，佔領行動嘅極端分子都帶有德國浪漫主義思想嘅影子，即係全盤否定當權者以及理性秩序嘅價值，又話德國浪漫主義其中一個巨大後果，就係法西斯主義成為人民民意嘅體現。唔通王于漸擔心佔領運動支持者會變成法西斯主義者﹖

王于漸又話，十八世紀末至十九世紀初嘅德國浪漫主義思潮，對人類文明造成嘅後果之一，就係催生咗一啲人類歷史上最令人髮指嘅罪行，一啲從前社會認為完全不可接受嘅行為，就因司空見慣而被原諒，甚至受人崇拜。佢又覺得，當前社會正逐漸形成年輕人嘅一套價值觀，是非對錯已不存在共識，爭鬥不休，擔心咁樣對未來政局，只會百害而無一利咁話。