政壇：「拆欄」風波襲舊政總
香港嘅政治爭拗愈來愈激烈，政府位於添馬艦嘅新總部圍咗鐵欄後，一直被要求拆除，估唔到連位於下亞厘畢道嘅舊政總都有相同命運。事關政府山關注組昨日率先向律政司發公開信，要求拆除前中區政府合署嘅圍欄，令到呢個古蹟回復過去向公眾開放嘅原狀喎。
政府山關注組要求拆除前中區政府合署圍欄，將古蹟開放市民。
古物諮詢委員會今日就會開會討論中環前政府合署西座嘅文物影響評估，關注組希望古諮會今日開會時，尊重公眾期望，責成律政司按照古蹟保育準則，切實履行責任，佢哋話，前中區政府合署係香港人嘅文化遺產，雖然政府早前決定完整保留包括西座嘅中區政府合署建築群，但民間一直有強烈聲音要求拆除圍欄，惟政府未有積極回應。
而建築署向古諮會提交的文件，亦以安全為由，而拒絕拆除圍欄，由於有關物業將交律政司使用，關注組因此向律政司發信，並對繼續關閉政府山的決定表遺憾，批評此舉違反公眾期望和國際義務，「社會大眾支持保育政府山是容許公眾享有使用權，而非將政府山變成少數權貴的私人樂園。」關注組指出，政府山上的聖若翰座堂、法國傳道會大樓等古蹟，早已是市民和遊客到訪的重要地標，禁止公眾穿越中區政府合署建築群是嚴重削弱公眾使用權。
