封車場丟空房署嘥資源

【記者陳瑋珩報道】停車場變空城，房署嚴重浪費土地資源！有藍田康華苑居民近月發現屋苑停車場底層被圍封，車位長期被丟空，惟場外行人路卻出現嚴重違泊問題，質疑房署資源錯配。區議員直指區內電單車位需求甚殷，要求房署盡快重開被封區域，並將空置私家車車位更改為電單車位，免造成浪費。

康華苑停車場底層約有一半面積被圍封。

柯創盛指區內電單車泊位需求殷切，要求房署盡快更改車位用途。

毗連康華苑的連德道行人路有大量電單車違泊。

「無論有冇人租都好，都唔應該就咁封咗佢，直情嘥電嘥地方兼嘥資源！」何先生居於藍田康華苑數十年，早前發現停車場底層空無一人兼全層不見車影，氣氛迥異儼如「鬼域」，不滿房署任由停車場白白丟空，未有善用資源。

何同時又發現停車場對外行人路常有多部電單車違例停泊，與場內底層空空如也的景象形成強烈對比。何先生指近年屋苑附近一帶如連德道與將軍澳道常有違泊問題，電單車駛上行人路違泊的場面更屢見不鮮，危害途人安全並影響屋苑觀瞻，「每次續租電單車泊位嗰陣都爭崩頭，點解房署唔理下啲租唔到車位嘅居民，係都要封場咁嘥料？」何建議房署考慮重開被封一層，並增加電單車車位以善用資源紓緩需求。