政壇：赴德考察卿姐老貓燒鬚
一行九人嘅立法會考察團前晚出發到德國，旨在建立同加強與德國立法機關的聯繫，身為團長嘅「卿姐」劉慧卿抵達香港國際機場時，先發現手持嘅特區護照過期，隨即趕回家中取回有效護照，惟最終趕不及原定飛慕尼黑嘅航班，要改搭遲一個鐘頭後飛往法蘭克福嘅航班，再轉飛柏林同大隊會合，認真老貓燒鬚。卿姐透露，兩張機票合共涉及七萬元，強調自己會「找數」。
劉慧卿（前排左五）較考察團遲半小時抵達德國柏林，據知涉及額外開支共七萬元。
據知卿姐雖然未能趕上原定航班，要改為飛往法蘭克福，再到柏林與大隊會合，但佢最終較考察團大隊，即另外八名立法會議員遲半小時抵達柏林，隨即會合大隊開始訪問行程。
據稱有人起初以為今次考察團由立法會資助，質疑卿姐濫用納稅人公帑，不過其後知悉考察團由德國政府資助後，轉為質疑佢浪費德國公帑，佢重申，毋須兩地納稅人為此「埋單」，自己會承擔相關額外開支。
