人生難免有時迷惘，但教育局副局長楊潤雄（Kevin）就話佢迷惘嘅時間特別多。佢自爆，每日返辦公室，一打開報紙，發覺自己無端端成為被罵對象，唔知道點樣先可以做好件事，就會覺得好迷惘喎！

楊潤雄傍住吳得掂，成日覺得好迷惘。

Kevin尋日擔任北區優秀學生選舉頒獎禮嘅主禮嘉賓，佢鼓勵學生選科時要朝目標同夢想進發，疑惑就會迎刃而解。Kevin講講吓突感懷身世，話成日都會好迷惘，事關成日無端端被傳媒罵。查實Kevin迷惘嘅原因好簡單，因佢傍住個怕孭鑊又唔得掂嘅上司教局局長吳克儉（吳得掂）囉。吳得掂逢親有棘手問題就外訪或放大假避風頭，焗住要由Kevin署理埋局長嘅工作，獨自收拾爛攤子，梗會覺得迷惘喇！

第一手消息請下載on.cc東網iPhone/iPad/Android/Windows Phone Apps