被喻為「最短命」問責局長嘅發展局前局長麥齊光，前年涉詐騙政府租金津貼被裁定罪成後一直深居簡出。早幾日快活谷舉行羊年第一場夜馬賽事，新正頭到處都喜氣洋洋，我哋喺馬場都見到麥齊光，原來佢同班朋友入場玩。
麥齊光
一排冇見嘅佢精神奕奕，笑容滿面咁任影唔嬲，問到佢近況如何，佢就好客氣話唔講喇！雖然惜字如金，但明顯心情好好，佢咁春風得意，睇嚟已經走出因為做局長而差啲惹牢獄之災嘅陰霾。
