23888枚煙花,大年初二照耀維港上空,逾千政商界名人逼爆灣仔會展齊賀新歲。歷時二十三分鐘嘅煙花匯演,以紅色「和」字、「8」字等吉祥圖案築起繽紛「花牆」,祝願港人羊年和諧歡樂。新春喜氣洋洋,太子珠寶鐘錶與國際名牌喺尖沙咀太子會舉行腕錶鑑賞酒會,城中愛錶名人到場欣賞靚錶之餘,仲齊齊手拿各式揮春及吉祥飾物,恭賀新禧。

理文造紙煙花匯演
動員款客
理文造紙創辦人李運強(右二)設宴邀請好友齊賞煙花匯演,長子文俊(左二)、次子文恩(右)及細仔文斌,齊招呼賓客。

恨嫁的心
富商邱德根孫女邱詠麒不諱言渴望喺羊年遇到真命天子,然後疊埋心水做少奶奶。

行善忘私
仁愛堂副主席史顏景蓮(中)今年專心善團工作,故無暇陪丈夫史立德(左)及兒子史昊洺外遊。

恩愛赴宴
久違嘅理工大學前校長潘宗光同太太李婉芬齊赴宴觀賞煙花,表現恩愛。

渴望抱孫
民政事務局前常任秘書長李麗娟(左)希望羊年抱孫,身旁嘅兒子劉堃同新抱蘇雯華要努力「造人」喇!

鑑賞靚錶酒會
姊妹花
百仁基金副會長楊華勇嘅太太莊菲娜(左)孖住做珠寶設計嘅妹妹莊莎娜到場,而且買得心頭好。

好意頭
身為馬主嘅莎莎國際主席郭少明同太太郭羅桂珍,見到「贏到開巷」自然「笑口常開」。

齊捧場
太子珠寶鐘錶副主席兼執行董事鄧宣宏雁(後中)廣邀好友鑑賞靚錶,愛沙尼亞共和國駐港名譽領事林建康夫婦(前左及後左)帶同大仔孝勇(前中)及做地產生意嘅好友趙氏夫婦齊出席。

第一手消息請下載on.cc東網iPhone/iPad/Android/Windows Phone Apps