財爺鬍鬚曾日前發表完財政預算案，有市民就喺街度撞到佢，市民於是「多謝」佢嘅派糖措施。

市民：早幾日派糖，多謝晒喎！

鬍鬚曾：唔好咁講，我應份嘅。

市民：弊在你左右手都係糖呢。

鬍鬚曾：派糖畀市民，梗係雙手奉上啦！

市民：NONONONO，你左手派糖，右手又收番嚟……

鬍鬚曾：我雖然孤寒，但未至於搾乾搾盡嘅……

市民：仲話冇？呢頭畀小小甜頭，公屋免租一個月、綜援「出三糧」，轉個頭咪喺民生收費度加番！

鬍鬚曾：……檢討民生收費啫，都未真係加價，唔使咁愁喎。

市民：&&%@@**!!!!一日仲係你做財爺，真係人人都愁呀！

第一手消息請下載on.cc東網iPhone/iPad/Android/Windows Phone Apps