羊年放咗咁多日假,政界人物都開始復工,周圍拜年,啱啱去河北過年返港嘅立法會議員梁美芬尋日亦出席新春團拜,仲大手筆攞起大疊利是周圍派。不過,我哋一望之下,發現利是封封底印咗個身形纖瘦、身穿白色典雅旗袍,但膚色唔係好平均嘅卡通肖像,其實係佢○八年參選立法會時嘅形象設計,但同今日嘅佢就唔係好似喇。

同場嘅金融服務界張華峰見到梁美芬封利是,亦唔執輸攞番封,梁見張華峰咁有興趣,問對方係咪好靚呢?張華峰不慌不忙,回應咗句「靚女」,氹得梁美芬笑開顏。

第一手消息請下載on.cc東網iPhone/iPad/Android/Windows Phone Apps