政壇：恒生一姐吼準跨境商機
恒生業績新鮮出爐兩日，派息加咗少少，但係內地壞帳好似多咗啲啲。內地投資風險高大家都知，但有危先有機，恒生「一姐」副董事長兼行政總裁Rose李慧敏話跨境業務其實仲有好多發展機會，其中內地客對醫保嘅渴求，有如撲奶粉！難怪Rose繼續睇好內地發展。
李慧敏話跨境業務其實仲有好多發展機會，其中內地客對醫保嘅渴求，有如撲奶粉。
嚟香港工作嘅內地企業高層幫襯銀行時，當然唔止睇中銀行可以幫佢保管存款咁簡單。Rose話內地客對買醫療保險、做體檢、搵個好醫生等等嘅需求好大，簡直同排隊買奶粉一樣咁殷切。所以，恒生就同保柏簽咗十年獨家醫療保險分銷協議，用全方位嘅貼身銀行服務嚟留住大客。銀行如果要突圍而出，Rose話一定要喺服務上着手。
