政壇：海外演講「周冠岑戴」

喺佔領行動結束後，學聯秘書長Alex周永康同副秘書長Lester岑敖暉不斷收到海外團體邀請講番當日經驗。兩人喺香港時間前日（二十三號）就去到瑞士日內瓦，出席聯合國人權與民主高峰會，仲喺會上發言。不過，喺佢哋發言期間就發生一段小插曲，話說兩人發言枱頭放有名牌，但就「周冠岑戴」，Alex個名牌放咗喺Lester前面，而Alex前面就放咗Lester個名牌，過咗一段時間後先至將名牌對調擺番啱位，關係真係難捨難離，難怪兩人之前被稱為「Alexter」喇！