當街炸油角食署檢控慢
貌似元寶的油角、寓意笑口常開的笑口棗等傳統油器一直為新春熱門應節食品，近日便有麵包店擬趁新春「大發新年財」，竟於熙來攘往的路邊即場炮製各式油器，滾油或有機會灼傷路過行人，而油煙亦被指令途人感到不適。有居民指情況已持續多年，惟食環署接獲轉介後才急急檢控「補鑊」，環保署更查無所獲。立法會議員要求執法部門巡查與宣傳雙管齊下，早日糾正違規亂象。
涉事店舖在近行人路旁放置油鍋，滾油或會引致途人受傷。
有街坊直指麵包店儼如設立「開放式廚房」，抽油煙機更直接將油煙排放到行人路。
「佢喺門口炸嘢，條街本身近住街市，挨年近晚已經好多人嚟買嘢，舖頭入面又迫，炸嘢嗰陣啲油仲係咁彈出嚟，我都試過中招！」家住灣仔的李先生指出，灣仔道有麵包店每逢歲晚即設置油鍋，以「開放式廚房」方式即場製作油器出售，吸引不少途人選購，導致店內店外皆十分擠擁，加上涉事店舖位處街市，無論店內、外皆熙來攘往，擔心煮食時高溫滾油或有機會濺中途人。李又指有關情況已持續多年，但一直未見部門執法，「我搬咗嚟幾年，由牛年見到羊年，年年都係咁！」
大量濃煙 居民厭惡
無獨有偶，同為灣仔居民的張太亦稱，該店製作油器時產生大量濃煙，每次途經皆感不適，更因行人路狹窄而避無可避，經常被迫繞道而行，「當正嗰度係廚房，裝成兩部抽氣扇抽晒啲油煙出去行人路，我本身有鼻敏感，要特登行出馬路或者對面街去避佢！」
食物環境衞生署發言人證實，接獲轉介後派員巡查涉事店舖，期間發現持牌人未獲准許下擅自更改批准圖則所示用途，在近門口處放置電炸爐以油炸食物，已根據《食物業規例》作出檢控，一經定罪，最高可罰款港幣一萬元、監禁三個月及就每日經營另行罰款港幣三百元。
環保署發言人則指，過去一年並未接獲有關涉事店舖的投訴，接獲轉介後亦有派員巡查，惟期間並無發現。
「我都明白年近歲晚好多舖頭都會想增加營業額賺多啲，但係萬一啲器具品質或啲油控制得唔好，啲滾油就有可能整到人，食環署好應該正視問題，睇吓市面仲有冇同樣情況！」立法會食物安全及環境衞生事務委員會副主席何俊賢指出，食環署具有執法責任，對事件責無旁貸，認為日後需多作巡查。
何又建議當局加強宣傳，以避免同樣問題再度困擾市民，「有啲舖頭會以為自己攞咗牌就點做都得，唔知咁做都係犯法，食環署應該喺過年前嘅一、兩個月就講明，等佢哋明白有咩法律責任要負。」
熱線3600 9988
電郵 socserv@on.cc
傳真3600 9900
WhatsApp/SMS 6500 6500
來函請寄：香港大埔工業邨大昌街23號東方報業中心東方報業集團投訴組收
個人資料絕對保密
匿名投訴恕不處理
逢星期一至五見刊
