SUN焦點：新春食肆炒散時薪$80難請人
新春前後是飲食業高峰期，酒樓食肆掀起搶人潮。最低工資實施後，飲食業長期鬧人手荒，長工不足，依賴大量散工「撐場」，遇上新春期間生意旺季，即陷入人手荒。有飲食業人士透露，食肆人手長期「掹掹緊」，若有食肆願意高薪招聘，散工即跳槽「過檔」，加上業內大多屬新移民，新年寧願回鄉過年，令人手進一步縮減，僧多粥少下，有食肆為請人而「爭崩頭」，以高出市價三成，時薪八十元搶人，希望紓緩人手荒。
新年前後是飲食業旺季，不少酒樓高薪搶散工。
不少店舖門口都貼有招聘廣告。
市民點睇
葉生：雖然唔介意新年返工，但以前試過做飲食太辛苦，所以會做零售。
吳生：都諗住搵工儲錢第日再讀書，但會搵零售先，唔想做飲食。
佳節期間，廚房職員忙於炮製餸菜。
樓面及清潔是酒樓最缺人的工種。
餐飲業空缺增七成六
據食環署及統計處數字，一一年至一三年，持牌普通食肆牌照數目由八千五百六十一間增加至八千九百二十六間，增幅不足百分之五；但同期餐飲服務業職位空缺數目卻由七千三百八十三個，增至一萬三千零三個，增幅達七成六。
「招請洗碗、清潔、樓面」、「高薪招聘，長工/兼職」農曆新年前，由銅鑼灣行至西環，幾乎每間食肆門口都張貼招聘廣告。其中一間茶餐廳負責人李先生指：「貼咗成個月都無人嚟應徵，都唔知過年點算好。」
人手緊張不單是小型食肆，亦困擾大型酒樓。位於尖沙咀的鳳城皇宴，新春期間訂枱數目較平日多三、四成，不過人手卻缺三成。酒樓副經理黃先生指：「本來單係樓面都要成十五人，平日都要搵散工幫手至搞得掂，呢排更加要額外請人，不過請九個就嚟得六個，唔夠人都無辦法，惟有做密啲手。」
原來每逢飲食業爆客檔期，行內都要靠一些俗稱「蛇頭」的中介人轉介有經驗散工，才可應付人客潮。飲食業總工會主席郭宏興拆解當中機制指：「呢啲中介人好似建造業判頭咁，有自己散工班底，都係飲食業有經驗從業員，中介人同不少食肆有密切聯繫，知道邊間食肆要搵人，揀間條件較優厚嚟合作，傾成咗就會通知散工開工地方同時薪。」他說，每年旺季飲食業市場都是「工求人」，散工日日返工亦未能滿足需求，部分酒樓實行以銀彈攻勢搶人，希望獲中介人優先分配人手。
促推措施助婦女入職
「新年期間有好多公司團體或者成家人食春茗、團年飯、開年飯，梗係缺人用。」煌府婚宴專門店集團主席陳首銘指，他們開出的價錢較市場價高近兩成，出七十元蚊時薪請散工才能勉強應付。「依家有啲食肆除咗經理同部長，幾乎全店都係散工上陣，而且唔少係新移民，這些散工寧願回鄉過年都唔願返工，有食肆已經出價到樓面每小時八十元搶人。」餐飲聯業協會會長黃家和形容情況惡劣，促請政府推出多項措施，紓緩業界苦況，包括改善託兒服務，讓更加多婦女可以投入飲食業。
飲食界立法會議員張宇人分析，自從一一年最低工資實施後，不同行業工資相若，令業內從業員轉行做保安等工作較輕鬆的行業，新人亦不願入行，導致飲食業長期鬧人手荒，平日長工不足，已依賴大量臨時工「撐場」。他警告，長期人手不足下，必然嚇退新投資者，令行業萎縮。勞工處發言人表示，處方已為飲食業設立招聘中心，及在不同地區舉行大型招聘會，助飲食業僱主盡快填補職位空缺。
