城中鏡：大雪阻「何仙姑」返港賀年

喺新春期間，唔少立法會議員都會離港小休，其中立法會議員梁美芬就同老公、城大法律學院前院長王貴國返河北過新年，仲特登喺河北古老四合院前合照同各界拜年。梁美芬話每隔一、兩年都會陪老公返鄉下探親，而今年咁啱撞正落大雪，一家人過咗個白色新年，而且覺得軟綿綿嘅雪特別靚添！

梁美芬一家人過咗個白色新年。（互聯網圖片）

對於金融服務界議員張華峰前日爆料，指梁美芬原先答應扮「何仙姑」齊齊賀年，點知最終「甩底」，梁美芬就解釋，咪就係因為一場大雪，搞到當地公路一度要封閉，所以真係冇辦法趕到返嚟喎。