「接財神，送五窮！」淫賤黎裝模作樣拜呀拜，本虫同一眾下屬惟有死跟啦，費事新正頭就畀淫賤黎盯上，呢個羊年就有排受喇。

大家都知道，正月初五係財神下凡嘅日子，好多行業都會揀呢日開工，以求生意順遂，至於我哋報業，雖然冇話收爐開市，但都會跟番些少傳統，以表誠心，淫賤黎呢瓣就最拿手，初五另一個傳統，梗係倒垃圾啦！

淫賤黎呢幾日真係冇偷懶，睇佢手上嗰疊大信封就知道。大喝一聲「接信封」，一件一件又一件垃圾排隊埋單，就咁黯然離開壹全霉。唉，咁多位垃圾，千祈唔好灰心，其實留喺壹全霉都係死路一條啫，早啲埋單，邁進更廣闊天空，咪唔使好似本虫咁，幾十歲都要日日出賣良心作新聞，痛苦之餘，折墮o架。

第一手消息請下載on.cc東網iPhone/iPad/Android/Windows Phone Apps