欄杆損毀 途人欠保障
「條欄杆搞到變晒形，零零舍舍有一段凹咗入去，嗰幾支鐵枝就都全部彎晒，大街大巷日日咁多人見到，你都咪話唔肉酸！」李先生每日皆會行經灣仔道，早前發現部分行人路欄杆嚴重破損，認為不但有損市容，更擔心一旦發生交通意外，將令行人少了一層保障，「依家個欄杆豆腐渣咁，真係有架車撞埋嚟想卸一卸力都做唔到啦！」
灣仔道有行人欄杆扭曲變形，經轉介後已完成維修。
路政署發言人證實，接獲轉介後已即時派員視察，發現涉事行人路欄杆出現損毀，懷疑早前被車輛碰撞所致，已隨即安排承建商進行維修，相關工作亦已告完成。
李先生指目前涉事行人欄杆雖已維修妥當，要求路政署日後加強巡查，確保道路設施保持在良好狀態，以保障市民安全，「好多時意外嘅嘢都話唔埋，所以路政要好好咁睇實啲設施係咪冇問題，唔好吓吓要市民投訴到先後知後覺。」
