「個公廁要落幾級樓梯先到,通風又差,次次落到去都一大陣臭味,同埋地下長期都係濕嘅,有次差啲跣到我攤攤腰!」何伯居於上環多年,指附設於中環街市租庇利街的公廁衞生情況欠佳,令不少市民望而卻步,「唔係太急嘅話,都寧願行遠少少,去附近嘅商場或者餐廳廁所,不知企理幾多!」

中環租庇利街公廁被指衞生欠佳,經反映後食環署承諾加強監察。

食環署發言人證實,去年共接獲六宗相關投訴,接獲轉介後亦有派員巡察,發現涉事公廁衞生情況良好,但仍指示潔淨服務承辦商加強清潔,以保持衞生。發言人同時承諾將繼續留意相關情況,並採取適當行動。

何伯認為情況有所改善,要求食環署加強監察清潔工作,以保持良好衞生水平,「同《東方》投訴完之後真係乾淨咗好多,但係食環署都要一路睇住,唔好一等到黃梅天潮濕嗰陣又打回原形,搞到廁所好似變咗做溜冰場咁!」

第一手消息請下載on.cc東網iPhone/iPad/Android/Windows Phone Apps