使用可再生能源成近年大勢所趨，除公營房屋外，多個政府部門建築物，或私人屋苑，近年均相繼加設太陽能或風力發電系統。有專家指本港市區適合收集太陽能發電，而較空曠的郊區位置，則可採用風力發電，惟由於本港四季氣候差異大，興建前應先準確測量。

翻新系統免浪費
張先生（電子工程）：希望政府可以投放更多資金，喺屋邨推廣太陽能系統。

Jackie（學生）：將荒廢嘅太陽能系統翻新，就唔會造成浪費。

「本港市區樓比較高，會阻到啲風，所以難以收集風力發電。」環保管理工程師邱耀雄指，本港位處亞熱帶地區，日照時間長，適合太陽能發電，而在大嶼山等較空曠的位置，亦可考慮採集風力作發電之用，「亦都可以喺屋苑嘅水喉內，連接發電機，咁有水流動嘅時候，就可以利用水力發電。」

綠色力量總幹事文志森則指出，本港四季氣候有明顯差別，日照時間及風速等均有明顯不同，故此興建相關設施前，宜先量度最少冬、夏兩季的差別作參考，「應該揀個位置，係一年四季都收集到足夠能源運作，先唔會造成浪費。」

第一手消息請下載on.cc東網iPhone/iPad/Android/Windows Phone Apps