城中鏡：日式插花布置李月無師自通
名模Mandy Lieu模特兒公司拍檔BoBo李月，今年一家三口到澳洲黃金海岸過農曆年，佢話原本想帶現年兩歲半嘅囝囝返自己家鄉吉林，因為自己已經有十年冇返吉林，同時希望囝囝認識媽咪娘家故鄉嘅故事，但考慮到囝囝年紀尚小，最後都係順從老公嘅意思去澳洲度歲，佢話老公特別喜歡澳洲，聖誕亦到墨爾本度假，連佢都取笑老公係咪想移民到澳洲。
日式插花有直有斜，李月話鍾意斜嘅插法，因為視覺效果好啲。
BoBo話家鄉過年冇乜特別嘅習慣，但自己好喜歡花，近來更自學日式插花，喺新年期間將家居布置得更心花怒放，佢話：「日本花道其實唔難，自己都係睇書自學研究，今次我揀咗三個花種，包括有美國玫瑰花，雪柳同桃花，有啲新年氣氛。」佢又話：「日式插花有直有斜，我鍾意斜嘅插法，視覺效果好啲。」見佢喺32公館不消五分鐘就示範插好一盆花，準備放喺客廳，感受新年嘅氛圍喎。
