喺今個月二十五日、即係大年初七「人日」，財爺鬍鬚曾就會公布新一份嘅財政預算案，正當全港市民靜候佳音之際，尋日我哋就見到財爺嘅FS政府座駕泊咗喺薄扶林道瑪麗醫院外（圖），莫非鬍鬚曾因為制訂預算案搞到壓力爆煲要入廠？抑或心臟又有事呢？過咗無耐，我哋見到一名身穿黑衫嘅女士步向座駕並上車離開。財政司司長辦公室發言人話鬍鬚曾因為忙於開會，所以委託家人到醫院攞藥，並無乜嘢特別事喎。
