年宵開鑼，市民行街竟然撞到環保署署長儀儀，市民向儀儀推介新景點，儀儀聽到一頭煙，大家睇吓發生乜事。

市民：署長，香港有個新景點喎！

儀儀：咩景點？

市民：一座山嚟，好出名，街知巷聞o架！

儀儀：咩山呀？大帽山呀？山冇乜特別啫！

市民：座山你有份搞出嚟！

儀儀：吓，咪住先，座山關環保咩事呀？

市民：你同路政署、食環署各自為政推卸責任，啲人倒家居垃圾和建築廢料喺西九龍快速公路度又零檢控，積積吓咪變「垃圾山」囉，仲話唔關你事？

儀儀：……叫人清理咪得囉，講到景點咁誇張！

市民：弊在清理完咪又畀人掉過！

儀儀：**&&@##!!!～搵嗰兩個部門投訴啦，唔好煩我！

第一手消息請下載on.cc東網iPhone/iPad/Android/Windows Phone Apps