本港多條天橋使用率極低，成為露宿者聚居地，而社署、運輸署及食環署又各自為政，恐怕令露宿者問題愈來愈嚴重，李衞去問吓食環署署長群群點搞。

李衞：露宿者問題嚴重，雜物鋪滿天橋，點搞呀？

群群：大佬，我哋清潔o架咋，條橋洗乾淨就收工啦，露宿者問題唔關我哋事！

李衞：個個部門都咁講，咁搵邊個傾先啱？

群群：社署同運輸署，唔好搵我！

李衞：但……衞生問題……好似你有份喎！

群群：係就係，但嗰啲屬於露宿者私人物品，唔係話掉就掉……

李衞：咁點呀？由得佢發出臭味呀？

群群：傻豬嚟嘅，「隧道有路你不走，天橋無門闖進來」，唔好行天橋咪得囉！

李衞：弊在隧道都有好多露宿者呢！

第一手消息請下載on.cc東網iPhone/iPad/Android/Windows Phone Apps