唔少商會都話要年輕化,即使成員多為成熟一族嘅中層管理人員,香港專業及資深行政人員協會(專資會)都跟風計劃招收青年會員,對象以正投考專業資格嘅大學生為主,希望趁早發掘佢哋,培育上位。專資會創會會長容永祺(Samuel)又分享創業之道,鼓勵青年人唔好心急,先試吓大學本科以外嘅行業,喺工作崗位「打好呢份工」,先靜待創業良機。

容永祺(右)與廠商會常董李慧芬(左)及亞洲青年企業家聯盟創辦人梁帥聰交流青年創業心得。

最近流感肆虐,政府急急搶購新疫苗,醫學會會長史泰祖就話「嘥氣」,直言疫苗四、五個月後才抵港,到時流感高峰期已過,乜流感菌都散晒,有針都無人想打,擔心會浪費公帑。

第一手消息請下載on.cc東網iPhone/iPad/Android/Windows Phone Apps