一人套餐撮合宅男剩女
【本報訊】專案組報道 單身套餐，情人節播情緣？有連鎖餐廳於情人節推出一人套餐，獨特構思在網上成為熱話。老闆聲稱一人套餐去年成功撮合一對單身男女搭枱，因此今年乘勝追擊，現時已有多人預訂，更指當中以單身女士居多。但有男網民質疑一人套餐的「威力」，擔心花上二百多元光顧後，會換來男士同枱。
有連鎖餐廳於情人節推出一人套餐，在網上成為熱話。
唔睇好
Sam（大學生）：女朋友返咗鄉下，不過唔會自己去食一人套餐；可能同朋友出去玩，唔會送花畀女友，呢啲講心意啫！
邱先生（中學生）：冇女朋友呀，唔好提傷心事；唔會自己出去食，留喺屋企食漢堡包、打機好過！
梁小姐（服務性行業）：本身要返工，自己一個過，唔會靠食餐飯去識異性囉！
有網民於社交平台上載一張「情人節一人套餐」的照片，惹網上廣泛流傳。構思一人套餐的餐廳負責人鄭智文稱，今年已是第二年推出一人套餐。他指去年有單身男熟客於情人節當日光顧一人套餐，剛好同枱坐上另一名單身女子，兩個「同是天涯淪落人」，結果在佳節下締造良緣，一人餐有如「做媒人」，今年會再接再厲，套餐包括焗田螺、黑松露忌廉湯、肉扒等，盛惠一百九十八至二百三十八元不等。鄭又指目前已有多人訂枱，大部分是單身女性，會盡量安排男女同枱，製造機會。今年更會以「森林之夜」為題，未知是否希望單身顧客可以互相「獵食」？
200蚊嫌貴 網民屋企淥麵
然而，部分網民對一人套餐並不領情，認為價值二百多元的一人套餐過於昂貴，只得心酸的表示：「我都係留喺屋企淥個麵算！」有男網民擔心即使當晚光顧，亦未必能逃過「單身厄運」：「如果係男人搭枱就死！」然而，亦有人欣賞鄭老闆的創意，更提議將黑松露菜式命為「『松』不喜歡孤單一個」，以配合一人套餐的意念。
記者於街頭訪問單身男女會否光顧，邱姓男同學指「冇女朋友，唔好提傷心事」，他寧願獨留家中「食漢堡包、打機」更開心。從事服務業的梁小姐坦言，「唔會靠食餐飯去識異性。」
