「我哋住喺附近,得閒就會帶啲細路落嚟玩,早排我個仔就喺度仆親,個頭仲撞咗落啲鐵蓋度流晒血。公園預咗有好多小朋友跑嚟跑去,地下凸咗嚿嘢出嚟真係可大可小。」鄭小姐指馬鞍山鞍誠街花園地面不平,懷疑因樹根突起致樹柵變形,不滿康文署未有妥善管理公園令小孩受傷。

樹根生長致樹柵凸起,曾有小孩因此絆倒受傷。

康文署發言人指出,鞍誠街花園種有一百五十五棵樹木,職員早前巡查該公園,發現部分樹柵因樹木根部生長而偏離原有位置,遂要求工程部門移除。發言人稱,會繼續留意該處樹木生長情況並進行適當跟進工作,而過去一年沒有接獲相關投訴。

不過,鄭小姐認為事涉康文署未有妥善管理公園,對事件責無旁貸。「呢個公園日常都好多人經過,又近港鐵站,希望佢哋可以管理好啲,唔好嘥咗個地方同令市民受傷。」

第一手消息請下載on.cc東網iPhone/iPad/Android/Windows Phone Apps