SUN揭秘：凌晨即製不賣隔夜貨

「粢飯阿姐」在上水港鐵站天橋擺賣逾十年，一早已身經百戰。多年來，食環署小販管理隊一直對她作出驅趕。她坦言，擺賣初時膽戰心驚，怕被捉到要罰款，食物會被充公。「試過有食環啲人混入人群，衝埋嚟捉住我，嚇得我唔知點算好。」

為確保食物新鮮，「粢飯阿姐」於凌晨三點起床製作粢飯。

現時小販管理隊仍會不時在天橋下監控阿姐。「一見到佢哋，我就唔會嗌，即刻將個紅白藍袋拉埋，附近啲街坊經過都會幫手睇水。」在街坊的提醒下，訓練有素的阿姐已能掌握小販管理隊的日常行動，不過亦難免會失手，日前就被食環署逮個正着。

為了讓街坊吃到「熱辣嘅粢飯！」，阿姐堅持每日新鮮製作，絕不會賣「隔夜飯」。「每晚凌晨三點就起身整，整到六點左右，休息一陣就出去擺賣。」問到每天擺賣會否感到辛苦，她坦言已經擺賣多年，一切早已習慣。