「粢飯，新鮮熱辣粢飯，鹹肉糉，熱辣辣鹹肉糉！」電話響起，傳來上水「粢飯阿姐」的叫喊聲，聲音嘹亮，字字鏗鏘，中氣十足。年屆五十多的「粢飯阿姐」在港鐵上水站外天橋擺賣逾十年，她除了日前因無牌擺賣，被食環署拘捕時奮力反抗而紅爆網絡外，原來其販賣時密集式瘋狂叫喊，早已街知巷聞，幾近無人不知，更有街坊將其叫賣聲設定為手機鈴聲，務求無時無刻聽到「粢飯阿姐」的澎湃叫聲醒醒神。

「粢飯阿姐」的叫聲，近距離錄得超過一百分貝。

「粢飯阿姐」與街坊有傾有講，關係良好。

為保持溫度，「粢飯阿姐」將食物放於紅白藍膠袋內保溫。

王小姐表示，粢飯阿姐叫得好響，附近街坊都認識她。

「粢飯同鹹肉糉要夠熱先好味……所以要叫大聲啲，等街坊快啲過嚟幫襯，咁佢哋先可以趁熱食。」

熙來攘往的天橋上，「粢飯阿姐」王太每朝風雨不改，一人提着三個紅白藍膠袋，裝滿新鮮製作的粢飯和鹹肉糉，於早上七點開始叫賣「有粢飯啦，新鮮熱辣嘅粢飯！」身旁掛住寫有「本港粢飯咸（鹹）肉粽（糉）」的紙牌。「賣咗十幾年，幫襯開嘅都係返工嘅街坊，有啲媽媽就買返屋企畀仔女當早餐。」

除了粢飯，她最為人熟悉就是其叫賣聲，記者與她相隔五六個身位，以分貝機測試，結果發現現場環境聲音僅得六十多分貝，但她的叫賣聲就高達一百分貝。對於有街坊指其叫聲特別洪亮，她笑言多年來已經習慣了自己的叫聲，不覺得特別響亮，不過叫喊得特別賣力，背後有其特別溫馨的原因。

「以前只賣茶果，唔使擔心保溫問題，可以放喺檔口，慢慢等街坊過嚟買，所以咪唔使嗌，但之後改賣粢飯同鹹肉糉，呢啲嘢要夠熱先好味，放喺保溫袋入面街坊又未必見到，所以要叫大聲啲，等街坊快啲過嚟幫襯，咁佢哋先可以趁熱食。」「初時冇咁大聲，但日日咁嗌法，愈嗌就愈大聲，我冇特登練聲。」問到會否擔心長年累月叫賣會使聲帶受損，王太笑說：「唔擔心，嗌咗咁多年，已經慣咗。」

待客細心 贏街坊尊重

雖然「粢飯阿姐」未有為意自己的叫聲，但港鐵就曾以造成滋擾為理由，數度驅趕她，更將擴音器放在其身旁，重複播放着「請勿在港鐵範圍內擺賣」，變相與她鬥大聲；然而，她並沒有因此而懼怕，反而遇強愈強，憑其深厚功力，將密集式瘋狂叫喊發揮得淋漓盡致，擴音器的聲音被完全淹沒了，港鐵職員在無計可施之下，惟有無奈撤走。

「粢飯阿姐」外表看似強悍，但原來私底下為人細心，是大情大性的傻大姐。「使唔使幫你剝埋糉葉呀？」「咁晏先買餸呀？」 她跟街坊關係良好，有傾有講，像相識多年的老朋友。「粢飯好快就賣晒，如果啲街坊返晏又想食，我都會留幾條畀佢哋。」跟街坊聊天時，她仍不忘大叫兩句「熱辣辣嘅粢飯！」

她的叫賣聲並未引起區內人士反感，反而覺得親切。街坊指：「住上水一定識佢，日日都喺度嗌，把聲好響，好搞笑！」「個阿姐好大聲呀，朝早返工好眼瞓，聽佢嗌一嗌就醒晒。」每天準時叮囑街坊要吃早餐，為上班族打氣，似乎成為上水的一部分，近數天「粢飯阿姐」沒有擺賣，天橋即變得異常平靜。

第一手消息請下載on.cc東網iPhone/iPad/Android/Windows Phone Apps