SUN搞作：少膽虫手記：壹點羞視
「○同壹……少膽虫，我一定要同你參詳參詳。」淫賤黎施祿山之爪，少膽虫瑟縮一隅，「腦細，唔好，再嚟我會嗌。」「哇哈哈！」淫賤黎大笑，「你嗌啦，你嗌得再大聲都無人會嚟救你！」
少膽虫眼前一黑，就被人拖咗入房……開集屍會。
「你睇吓人哋啞視義演幾成功，有壹點羞視呀！」淫賤黎拍枱。一點？咪又係三點不露。淫賤黎續道︰「由○到壹，呢種無限嘅進步，《爛果》幾時先可以做到？我決定壹全霉都要搞義演！」白做無償武士？你叫少膽虫點做？「腦細，獅子山下體現精神唔係好啱壹全霉喎。」淫賤黎拍拍心口，「我一早諗好喇，嗰晚我地高舉《爛果》大旗，咁咪唔使獅子山下體現精神。」
少膽虫聽唔明，「咁即係？」淫賤黎不情不願道︰「咁你都唔明，扯晒旗，咪係扯旗山下體現精神，《爛果》就會好似扯旗山下嘅香港咁呀！唔好講咁多，少膽虫，你將會表演啲咩？」
「腦細你都咁講，我梗係『打手槍』啦，嗰晚我係咁用手打支玩具手槍自high，睇吓有咩善長會捐錢囉。」
