尚德：小巴站荒棄十多年
「住咗喺度咁耐都未見過呢個小巴站有小巴，既然冇用就要諗吓改用途，咪嘥咗佢！」黃先生指尚德邨公共運輸交匯處內設小巴站，但多年來一直未見有小巴使用，不滿政府未有完善規劃，浪費資源。記者到場了解時，發現上址未有小巴駐站，僅有食環署職員小休。
小巴站建成後十多年從未啟用，僅有食環署職員用作憩息地。
運輸署發言人承認，尚德邨公共運輸交匯處自九八年啟用後，並未有專線小巴路線以該處作終點站或分站，現時當局亦未有計劃安排現有或新增專線小巴路線於該處設站。發言人補充，該署會不時因應社區發展和市民對公共運輸服務需求的轉變而調整公共運輸服務。
不過，陳先生認為上址一直未有專線小巴使用，反映當初部門規劃不當，導致資源一直被浪費。「唔講都唔知原來空咗十幾年，政府仲想等多幾多個十年，等啲小巴自己話要用個站？」
