壹全霉嘅財務狀況，我諗唔使少膽虫多講，各位都知係幾惡劣啦。淫賤黎趁住晏晝大家食飽等屙，就叫財務總監召開會議，睇吓有冇得救。

財務總監喺會上劈頭就話：「壹全霉個個月條數都見紅，我諗廣告部要諗諗辦法先掂。」廣告部阿頭被攻擊，竟然唔扯火，只係笑笑口咁話：「無錯無錯，我哋追廣告好辛苦o架，啲客戶聽到《爛果》個名，一係就話啲新聞唔掂，一係就話啲標題唔掂，我哋都好難做o架！」

X你個街，原來條友仔笑騎騎放毒蛇，呢鋪咪孭晒鑊？正當本虫諗住將隻鑊繼續卸落去，淫賤黎已經少埋嚟：「阿虫！原來就係你搞衰壹全霉，你即刻出去同我做好啲新聞，條數如果無起色，你等摺埋啦！」草草散會，本虫食飽死貓，真係要喺度還個清白：唔係淫賤黎主使作新聞誨淫誨盜，讀者點會買少見少？唔係淫賤黎搗亂香港，啲客仔點會唔落廣告？淫賤黎，你先係兇手呀！

第一手消息請下載on.cc東網iPhone/iPad/Android/Windows Phone Apps