政壇：區潔英 九東聰明城市須開放數據

施政報告提出以九龍東為試點發展「聰明城市」，提出觀塘商貿區行人環境改善計劃，措施包括選出四組後巷分階段進行改善，重鋪地面、美化牆身同設立路線指示牌等，以紓緩行人路擠迫情況；另為解決人車爭路，擬引入有自動感應嘅智能交通燈，自動偵測行人轉綠燈，起動九龍東專員區潔英話預計今年內開展工程。成件事驟眼睇都算有啲新意，但被批只係將過往措施「炒埋一碟」，無整合政府部門資訊流通，唔該區專員開放多啲數據，令資訊整合更全面，咁先算得上係「聰明城市」喎。