公屋單位白蟻為患，房屋署「歎慢板」處理，住戶叫苦連連。李衞得悉大感不妥，即刻就去搵署長康康傾傾，問個明白。
李衞︰單位有白蟻，你哋點可以唔做嘢？
康康︰我哋有做嘢，已經派咗職員上去視察。
李衞︰咪就係得個睇字，跟住呢？
康康︰跟住咪去咗搵滅蟲公司。
李衞︰係囉，搵成兩個禮拜都無回音？
康康︰香港多蛇蟲鼠蟻嘛，人哋咁忙，係難約啲。
李衞︰係呀！香港真係好多蛇蟲鼠蟻，你睇你條「大懶蟲」，做嘢「蟻躝咁慢」就知啦！
康康︰@##$$$%^#
