青少年議題一向備受各界關注，由城中二代精英組成嘅百仁基金早前舉行新一屆董事局就職典禮，政商界名人及青年才俊齊出席支持。蟬聯基金主席嘅理文造紙創辦人李文俊躊躇滿志，來年將繼續發力，幫助年輕人克服難關、實現夢想。溫煦嘅春天雖然未到，但春夏新裝已搶先出籠。一個時裝品牌喺灣仔會展舉行時裝展，會場以逾萬支鮮花點綴，到場嘅名人嘉賓在花海環抱下，恍如置身伊甸園。

百仁基金就職典禮
鼓勵
香港藝術發展局主席王英偉嘅歌手兒子王梓軒（右）鼓勵年輕人自我增值，旁為英皇電影高層嚴康樂。

認同
百仁基金創會主席李家傑（左起）呼籲年輕人迎難而上，中央政策組顧問高靜芝及青年事務委員會主席陳振彬深表認同。

聚首
立法會議員林健鋒嘅兒子林凱章（中）同百仁基金副主席羅詠詩（右）及陳寧寧共聚一堂。

支持
李文俊蟬聯百仁基金主席，太太黃敏儀當然全力支持。

歡聚
廣東社團總會前主席王國強嘅細仔王紹恆（左起）、百仁基金副主席黃楚基、廖宇軒及中華總商會副會長方文雄嘅兒子方添輝齊歡聚。

春夏新裝
打拚
慕詩集團創作總監陳栢熹（右）與莊士機構國際執行董事莊家蕙，都係年紀輕輕已為家族生意打拚。

預演
慕詩國際集團董事會副主席徐巧嬌（左起）預演春裝，莎莎國際太子女郭詩慧及香港國術總會會長王嘉恩夫婦結伴欣賞靚衫。

追貼
為捕捉最新時裝潮流，藝人黃伊汶（左起）、四洲集團企業發展部董事戴凱欣及銳思集團主席蔡一鳳齊到場取經。

第一手消息請下載on.cc東網iPhone/iPad/Android/Windows Phone Apps