本身係戲劇教師嘅舞台劇演員彭秀慧醉心演出，又對時裝好有興趣，近年佢發現一個奇怪現象，每次佢演出完舞台劇，便會收到粉絲電郵，但係佢哋唔係問演戲嘅嘢，而係問佢穿乜嘢牌子嘅鞋履，搞到佢對自己嘅衣着更加緊張。

佢話，收過幾次email，有觀眾問佢對鞋嘅牌子，甚至有人喺社交網上問佢，做戲時着嗰件衫係乜嘢色，想照做一件。由於有批貪靚嘅捧場者，佢當然更唔會放鬆自己，佢仲話，女性平日衣着唔應該千篇一律，佢平時教學生時，都會灌輸一啲心得，譬如日常生活做戲，可以多啲改變自己，如穿Hip Hop造型，身體會不自覺變得有動感，如穿高跟鞋和短裙，行為上又會截然不同。

第一手消息請下載on.cc東網iPhone/iPad/Android/Windows Phone Apps