寶琳：顯示屏損壞九巴懶修

巴士總站顯示屏損壞久未維修，形同虛設！「296M個顯示屏『維修進行中』張貼咗好耐，到依家都未整好，搞到我哋成日都睇唔到巴士幾時開車。」廖先生不滿九巴未有適時維修設施，對候車乘客造成不便。

顯示屏上貼「維修進行中」告示多時，一直未有維修。

九巴發言人證實，有關寶琳巴士站顯示屏損壞，早前知悉無法維修後派員拆除，至於有關路線的資料詳情已張貼於巴士站供乘客查閱。發言人又鼓勵乘客下載九巴手機應用程式，瀏覽九巴網頁及致電九巴熱線查詢各線巴士資料。

「九巴其實係咪應該睇吓個顯示屏出咗咩問題，然後再想辦法維修，唔係人哋一投訴就拆咗佢！」廖先生不滿九巴「頭痛醫頭、腳痛醫腳」，未有積極解決問題。