「死淫虫，即刻同我起身，大把嘢等你做呀！」淫賤黎吆喝一聲碎了本虫淫夢，唉，壹全霉呢間爛公司，何來大把嘢等我做吖，咪吹水啦。哈，殊不知淫賤黎丟低幾十份求職信，仲話：「阿虫，拿拿聲請人，好快又食大茶飯！」

吓？請人？《爛果》銷量插水又冇廣告，再請人咪等如捅自己一刀？係咪short咗呀？淫賤黎見我猶豫已經即時x埋嚟：「死蠢！你有冇聽嗰三條友仔講呀，仲有連場好戲呀！正所謂文攻武衞，走出去瞓街示威搞亂檔，梗係留畀啲爛頭蟀啦！呢鋪我淫賤黎要專注文攻，請多啲人返嚟作新聞，寫戰鬥文章，總之唔搞死香港誓不罷休！」

原來淫賤黎始終甩唔到做幕後黑手嘅癮，一見有機會搗亂，又撲出嚟搞三搞四，本虫人微言輕，除咗即刻着手請人送佢一程，仲可以點做？

第一手消息請下載on.cc東網iPhone/iPad/Android/Windows Phone Apps