紅色小巴自訂留位制度,有市民截車「明明有位都冇得上」,運輸署又懶理,市民梗係搵署長茵茵投訴。

市民︰紅VAN拒載,你又唔理,點搞先?

茵茵︰唉,我都唔想!

市民︰唔想咪做嘢囉,好簡單。

茵茵︰不過,呢架車開線時已經提供留位服務,我依家先揸正嚟做,好似唔係咁好。

市民︰你做阿頭都話唔使揸正,咁咪對排隊嘅人好唔公平?

茵茵︰惟有等多兩架車囉。

市民︰成日叫等等等,咩時間都冇晒啦!

茵茵︰哎呀,咁你就再等吓啦,我上車先,我都訂咗位,哈哈!

市民︰豈有此理!

第一手消息請下載on.cc東網iPhone/iPad/Android/Windows Phone Apps