政壇：陳家強讀本報 苦勸咪「拉布」

本報尋日報道泛民主派議員舊年喺立法會大會共響鐘多達四百五十九次，累計虛耗近七十小時會議時間，粗略估計合共「叮走」納稅人超過一千六百萬元公帑，真係嘥時間又嘥錢。咁啱尋日遇到財經事務及庫務局局長陳家強，佢啱啱喺中環香港會食完午飯，自言有留意本報嘅報道，佢仲苦口婆心希望班議員為咗香港嘅福祉着想，停止「拉布」。當問到下月二十五日發表嘅新一份財政預算案會唔會「派糖」？陳家強就三緘其口，指「呢啲嘢未講得住」，認真口密。