政壇：陳弘毅點評特首人選劉慧卿斥「走火入魔」

話說基本法委員會委員陳弘毅繼早前力推「白票守尾門」方案之後，尋日接受傳媒訪問時，首次點名提到，運輸及房屋局局長張炳良、環境局副局長陸恭蕙等人，過去被視為泛民主派，依家喺政府內工作嘅人士，料有可能獲中央接受競逐二○一七年嘅特首選舉。

不過，陳弘毅呢番言論似乎唔係咁得泛民主派歡心，其中民主黨主席劉慧卿更批評，陳弘毅嘅言論係「走火入魔」，再三強調市民心目中嘅普選係要有真正嘅選擇，等唔同政見嘅人士都有能力參與，反建議陳弘毅向中央表達應放寬全國人大常委會決定嘅意見。